Бидний төлөвлөгөө бол дэд бүтэц ашиглан агаарын бохирдлыг бууруулах. Орчин үеийн хийн хоолой нь хамгийн аюулгүй, хамгийн найдвартай бөгөөд бидний өдөр тутамд ашиглах эрчим хүчний бусад нөөцтэй харьцуулахад байгалд ээлтэй. Бид ирээдүй хойч үеийнхээ төлөө өнөөдөр шаардлагатай алхмуудыг авч хэрэгжүүлж байна.

Бидний төлөвлөгөө нь эрчим хүчний салбар дахь хамгийн сүүлийн үеийн, шинэлэг технологийг ашиглах. Ухаалаг инновацийг дэмжиж, технологийн хөгжлийг дагана.

Бидний төлөвлөгөө хэрэгжих боломжтой. Төлөвлөгөөг чанарын өндөр түвшний мэдээлэл, өгөгдөл дээр суурилж боловсруулсан. Бүс бүрт зориулж гүйцэтгэх ажлыг төлөвлөсөн ба үйл ажиллагаа, зорилт, цагийн хуваарь нь тодорхой байна. Дотоодын түншүүд, гүйцэтгэгч гэрээт компаниудтай ажиллана. Боловсрол, мэдлэг, чадварыг сайжруулах хөтөлбөр явагдаж эхэлсэн.

Бидний төлөвлөгөө бол байгалийн хийн ашиг тусыг хүртэх боломжоор илүү олон хүнийг аль болох хурдан хангах. Сүлжээнд холбогдоогүй өрхүүдэд хүрч ажиллах хөтөлбөрийн хүрээнд төв хадгалах сав бүхий жижиг микро хийн сүлжээг бий болгох.

Бидний төлөвлөгөө хэрэглэгчдийн төлдөг хийн үнийг хямдруулна. Эрчим хүчний нийлүүлэлт тодорхой байх ба зах зээлд нийцсэн үнэтэй байна. Шатах малтмалын өндөр зардлын эсрэг тэмцэхийн тулд байгалийн хийг ашиглана. Орлого багатай өрхүүдийг хямд эрчим хүчээр хангана. Эрчин хүчний зардлыг бууруулж бизнесүүдийн нуруун дээрх ачаанаас хөнгөлнө.

Бидний төлөвлөгөө тогтвортой хөгжлийг хангаж, ажлын байр бий болгоно. Сүлжээнд хөрөнгө оруулахаар олон улсын томоохон хэмжээний хөрөнгө оруулалт татах. Сүлжээг хөгжүүлэх ажилд 53 хүнийг үндсэн ажилтнаар, 300 гаруй хүн барилгын ажлын байраар хангагдана. Орон нутгийн бизнесүүдийн өрсөлдөх чадвар болон хөрөнгө оруулах чадвар нь нэмэгдэнэ. Үйлдвэртээ байгалийн хий ашиглан үйл ажиллагаагаа шинэчлэх боломжийг бизнесүүдэд олгоно. Хийгээр ажилладаг цахилгаан станцын санхүүгийн тогтвортой байдлыг хангах.